ამ რუბრიკით ქვეყნდება საინტერესო ამოცანები იმ მკითხველებისათვის, რომელთაც სურთ ლოგიკურ აზროვნებაში გავარჯიშება. ამოცანების ამოხსნა მოითხოვს ლოგიკისა და ელემენტარული მათემატიკის ცოდნას. 

რუბრიკას უძღვება შპს "ააფ მენეჯმენტის" გენერალური დირექტორი ფრიდონ ალშიბაია. 

ჟურნალის წინა ნომერში გამოქვეყნებული ამოცანა №254

 

დაადგინეთ კანონზომიერება შემდეგ მიმდევრობაში და დაწერეთ მომდევნო რიცხვი: 

5; 7; 15; 26; ... 

ამოცანის ამოხსნა: 

შევნიშნოთ, რომ: 

5+7=12; 12+1+2=15 (12-ს დავუმატეთ მისი ციფრთა ჯამი). 

7+15=22; 22+2+2=26 (22-ს დავუმატეთ მისი ციფრთა ჯამი). 

მიმდევრობის შემდეგი წევრი იქნება 46. მართლაც: 15+26=41; 41+4+1=46. 

ამჯერად ჟურნალის მკითხველებიდან სწორი პასუხი ვერავინ გვაცნობა. 

მორიგი ამოცანა №255 

რისი ტოლია სამნიშნა რიცხვის მის ციფრთა ჯამთან შეფარდების მაქსიმალური შესაძლო მნიშვნელობა? პასუხი დაასაბუთეთ. 

რედაქციის გადაწყვეტილებით, პირველ მკითხველს, ვინც სწორად უპასუხებს ამ რუბრიკით გამოქვეყნებულ ამოცანას, გადაეცემა შესანიშნავი საჩუქარი - შპს "ააფ მენეჯმენტის" მიერ გამოცემული ერთ ერთი წიგნი: 

1) ფრანგი მწერლის, რეიმონ კენოს რომანი "ზაზი მეტროში"; 

2) ჯ. ლონდონის მოთხრობების კრებული "როცა ღმერთები იცინიან"; 

3) ო. ჰენრის ნოველების კრებული "ზაფხულის შუადღის სიზმარი"; 

4) რეიმონ კენოს რომანი "ქალი არ უნდა გაანებივრო". 

გამარჯვებულის ვინაობა გამოქვეყნდება! 

დაგვირეკეთ ტელეფონზე: (595) 59 02 75 ან (579) 30 27 27 (მობ.) ან გამოგვიგზავნეთ პასუხი ელექტრონული ფოსტით - palshibaia@tsodnisa.ge. 

ფრიდონ ალშიბაია