ამ რუბრიკით ქვეყნდება საინტერესო ამოცანები იმ მკითხველებისთვის, რომელთაც სურთ ლოგიკურ აზროვნებაში გავარჯიშება. ამოცანების ამოხსნა მოითხოვს ლოგიკისა და ელემენტარული მათემატიკის ცოდნას. 

რუბრიკას უძღვება შპს "ააფ მენეჯმენტის" გენერალური დირექტორი ფრიდონ ალშიბაია. 

ჟურნალის წინა ნომერში გამოქვეყნებული ამოცანა №255

რისი ტოლია სამნიშნა რიცხვის მის ციფრთა ჯამთან შეფარდების მაქსიმალური შესაძლო მნიშვნელობა? პასუხი დაასაბუთეთ. 

ამოცანის ამოხსნა 

ვაჩვენოთ, რომ სამნიშნა რიცხვის მის ციფრთა ჯამთან შეფარდება ნაკლებია ან ტოლია 100-ზე. დავუშვათ საწინააღმდეგო: ვთქვათ არსებობს ისეთი სამნიშნა რიცხვი, მაგალითად abc (a არის ასეულების აღმნიშვნელი ციფრი, b - ათეულების, ხოლო c – ერთეულების), რომლის შეფარდება მის ციფრთა ჯამთან მეტია 100-ზე, ანუ:

  

რაც შეუძლებელია, იქედან გამომდინარე, რომ b და c ციფრებია. ტოლობა კი მიიღწევა მხოლოდ მაშინ, როცა b=c=0. ანუ, ასეთი რიცხვებია: 100, 200, 300, ..., 900. 

ამჯერად ჟურნალის მკითხველებიდან სწორი პასუხი პირველმა გვაცნობა და "ააფის" პრიზი დაიმსახურა ქეთევან ქემხაძემ. 

მორიგი ამოცანა №256 

ერთ დღეს ხვიჩამ უყურა „რა? სად? როდის?“ სატელევიზიო ვერსიის ჩანაწერს. დაწყებამდე გოჩამ მას ანგარიში უთხრა, თუმცა არ უთხრა ვინ გაიმარჯვა: მოაზროვნეებმა თუ ტელემაყურებლებმა. მერვე რაუნდის შედეგის გაგების შემდეგ ხვიჩას შეეძლო უკვე ეთქვა თითოეული მომდევნო რაუნდის შედეგი, იქამდე – არ შეეძლო. 

რა ანგარიშით დასრულდა თამაში? თამაში 6 ქულამდეა. ყოველ რაუნდში, კითხვის გამოცნობის შემთხვევაში 1 ქულა ეწერებათ მოაზროვნეებს, წინააღმდეგ შემთხვევაში – ტელემაყურებლებს. პასუხი დაასაბუთეთ. 

რედაქციის გადაწყვეტილებით, პირველ მკითხველს, ვინც სწორად უპასუხებს ამ რუბრიკით გამოქვეყნებულ ამოცანას, გადაეცემა შესანიშნავი საჩუქარი - შპს "ააფ მენეჯმენტის" მიერ გამოცემული ერთ-ერთი წიგნი: 

1) ფრანგი მწერლის, რეიმონ კენოს რომანი "ზაზი მეტროში"; 

2) ჯ. ლონდონის მოთხრობების კრებული "როცა ღმერთები იცინიან"; 

3) ო. ჰენრის ნოველების კრებული "ზაფხულის შუადღის სიზმარი"; 

4) რეიმონ კენოს რომანი "ქალი არ უნდა გაანებივრო". 

გამარჯვებულის ვინაობა გამოქვეყნდება! დაგვირეკეთ ტელეფონზე: (595) 59 02 75 ან (579) 30 27 27 (მობ.) ან გამოგვიგზავნეთ პასუხი ელექტრონული ფოსტით - palshibaia@tsodnisa.ge. 

ფრიდონ ალშიბაია