ჟურნალის წინა ნომერში გამოქვეყნებული
ამოცანა #115:
კვადრატი დაყოფილია უჯრებად (იხ. სურათი). თითოეულ უჯრაში ჩაწერილია
 |
|
სხვადასხვა რიცხვები 1-დან 9-მდე, ისე რომ თითოეულ სვეტში, სტრიქონში და
დიაგონალზე მათი ჯამი ერთი და იმავე რიცხვის ტოლია. |
ასეთ კვადრატს "მაგიურ
კვადრატს" უწოდებენ. არსებობს თუ არა მაგიური კვადრატი, რომელიც შევსებულია ნატუ-რალური რიცხვების შებრუნებული რიცხვებით? (მაგალითად, 7-ის შებრუნებული რიცხვი არის წილადი 1/7).
ამოცანის პასუხი:
ცხადია, თუ მაგიური კვადრატის ყველა წევრს გავყოფთ მათ ნამრავლზე: 1*2*3*4*5*6*7*8*9=362880, მიღებული რიცხვები დააკმაყოფილებენ ამოცანის პირობას.
ამჯერად ჟურნალის მკითხველებიდან სწორი პასუხი პირველმა გვაცნობა და "ააფის" პრიზი დაიმსახურა
კობა შენგელიამ.
მორიგი
ამოცანა #116
ხვიჩას და გოჩას აქვთ ერთ ჩანთაში 25 ცალი კანფეტი. ხვიჩამ მოიფიქრა
კანფეტების ასეთი განაწილება: ისინი რიგ-რიგობით იღებენ კანფეტებს
ჩანთიდან, იმ პირობით, რომ ყოველ ჯერზე თითოეულს უფლება აქვს ამოიღოს
ჩანთიდან მხოლოდ ის რაოდენობა, რომელიც იქნება ჩანთაში არსებული
კანფეტების რაოდენობის გამყოფი. ამასთან, ერთდროულად ყველა კანფეტის
ამოღება არ შეიძლება, გარდა იმ შემთხვევისა, როცა ჩანთაში რჩება ერთი
კანფეტი.
- მე პირველი ვარ, - წამოიძახა გოჩამ.
საბოლოოდ, ვის შეხვდება უფრო მეტი კანფეტი? იგულისხმება, რომ თითოეული
მათგანი ირჩევს თამაშის საუკეთესო სტრატეგიას.
პირველ მკითხველს, ვინც სწორად უპასუხებს ამ ამოცანას, გადაეცემა შესანიშნავი საჩუქარი - შპს "ააფ მენეჯმენტის" მიერ გამოცემული ერთ-ერთი წიგნი:
1) ფრანგი მწერლის, ნობელის პრემიის ლაურეატის ანდრე ჟიდის რომანი
"ვიწრო კარიბჭე";
2) ო. ჰენრის ნოველების კრებული
"ზაფხულის შუადღის სიზმარი";
3) ფრანგი მწერლის, რეიმონ კენოს რომანი
"ქალი არ უნდა გაანებივრო".
გამარჯვებულის ვინაობა გამოქვეყნდება!
დაგვირეკეთ ტელეფონზე: (95)-59-02-75.
გისურვებთ წარმატებებს!
ფრიდონ ალშიბაია
