ჟურნალის წინა ნომერში გამოქვეყნებული ამოცანა #129
"რა? სად? როდის?" სტუდიაში, დიდ შავ ყუთში დევს 10 ცალი პატარა შავი ყუთი, რომელთაგან ზოგიერთში თავის მხრივ დევს 10 ცალი უფრო პატარა შავი ყუთი, რომელთაგან ზოგიერთში დევს 10 ცალი კიდევ უფრო პატარა შავი ყუთი და ა.შ. სულ იმ ყუთების რაოდენობა, რომლებშიც თავის მხრივ ყუთები არიან განთავსებულები, 201-ის ტოლია. სულ რამდენი შავი ყუთია სტუდიაში?
ამოცანის პასუხი
შავ ყუთს, რომელშიც თავის მხრივ დევს შავი ყუთი, პირობითად ვუწოდოთ იღბლიანი. ამოცანის პირობის თანახმად, იღბლიანი ყუთების რაოდენობაა 201. თითოეულ იღბლიან ყუთში დევს 10 ყუთი, ხოლო ნებისმიერი ყუთი, გარდა უდიდესი შავი ყუთისა, დევს რომელიმე იღბლიან ყუთში, ამიტომ ყუთების საერთო რაოდენობის დასათვლელად იღბლიანი ყუთების რაოდენობა უნდა გავამრავლოთ 10-ზე და დავუმატოთ 1. გამოდის, რომ სტუდიაში სულ 2011 შავი ყუთია.
ამჯერად სწორი პასუხი პირველმა გვაცნობა და `ააფის~ პრიზი დაიმსახურა
სერგო გურგენიძემ.
მორიგი
ამოცანა #130
კლასში 30 მოსწავლეა. ზოგიერთმა მათგანმა იცისმარჯვენა და მარცხენა, ზოგიერთს _ ეშლება, ზოგიერთი მათგანი კი აკეთებს ყველაფერს `უკუღმა~, რასაც ეუბნებიან. ფიზკულტურის გაკვეთილზე 30-ივე მოსწავლე დააყენეს გვერდიგვერდ და უბრძანეს: `მარცხნისაკენ!~. ამ ბრძანებაზე ყველა ერთდროულად შემოტრიალდა 90 გრადუსით: ზოგი მარცხნივ, ზოგი მარჯვნივ. ამის შემდეგ, ყველა მოსწავლე, რომელიც აღმოჩნდება მეზობელთან პირისპირ (სახით), ზუსტად ერთ წამში ბრუნდება 180 გრადუსით. შეიძლება თუ არა პროცესი გაგრძელდეს დაუსრულებლად? თუ არა, მაქსიმუმ რამდენი ხანი შეიძლება გაგრძელდეს პროცესი?
პირველ მკითხველს, ვინც სწორად უპასუხებს ამ ამოცანას, გადაეცემა შესანიშნავი საჩუქარი _ შპს `ააფ მენეჯმენტის~ მიერ გამოცემული ერთ-ერთი წიგნი:
1) ფრანგი მწერლის, ნობელის პრემიის ლაურეატის ანდრე ჟიდის რომანი `ვიწრო კარიბჭე~;
2) ო. ჰენრის ნოველების კრებული `ზაფხულის შუადღის სიზმარი~;
3) ფრანგი მწერლის, რეიმონ კენოს რომანი `ქალი არ უნდა გაანებივრო~.
გამარჯვებულის ვინაობა გამოქვეყნდება!
დაგვირეკეთ ტელეფონზე: (595) 59-02-75 ან (579) 30-27-27 (მობ.) ან გამოგვიგზავნეთ პასუხი ელ-ფოსტით: palshibaia@tsodnisa.ge.
გისურვებთ წარმატებებს!
